权威国学起名 起名首选严峻大师

严峻大师简介   点击查看起名流程

严峻大师电话/微信

13759991335

今年流年旺西南旺正西?

发布时间: 2022-07-01 18:52   作者:admin   点击数:  

旺西南旺正西?


年过过年年年过,又一年矣!唔知系咪紫贪桃花冲起文昌化忌缘故,踏入咗兔年正月班茶煲老友、差不多个个唔系去旅行就系话有家事……搞到今年嘅春茗冇哂着落,老B话;睇个世界立立乱,若不及时行乐恐怕再冇机会,所以佢唔理依露柒阖府环游世界先……今年斗数卯酉唔少人系紫贪桃花,大体上风气都比旧年开心。唔似得明年辰戌罗网,至少着咗一半人武曲化忌守命。真该煨!你都咪话唔担心!


咁啱我今年又冇计划出门外游,所以整个春节百无聊赖……系咁moon cake(闷极)直到元宵节嗰日,得老学究和经纪陈相约饭局先得以佳节有着落,总算得上有啲多快乐啦!


刚到步酒楼还未坐低,不嬲有礼数嘅经纪陈早已笑口噬噬,操着系人都听得出带有京腔嘅广东话说道:“祝大家逃税快乐……”,恭喜话还未讲完、老学究已经一句窒过去:“捞松陈,系你自己逃税咋!咪拖埋我哋落水,事关我哋都系正人君子……”,经纪陈失惊无神畀佢一窒、先是一怔,继而打个哈哈笑笑口指着老学究:“兔岁至啱嘛……哈哈!发音唔正,惭愧!”。我睇在眼里也忍悛不禁:“鬼唔望你老而不去北方时畀老陈啲乡里窒番够本……哈哈!”,经纪陈好认同咁点头兼竪起拇指称是。


呢个时候老学究忽然朝我藐藐咀道:“甲申开始嘅廿年八运;到今时今日数手指已行咗六年有余,2010年庚寅太岁六冲甲申、明确暗示七运兑金至此已烟烧云散,话之你(旺西南大师)点样唱好正西、西南,总之玄机嘅嘢自己要执生,否则耶稣都无能打救你……以上说话系响你今年流年运程中读到而抄咗落样嚟…… ”,“嘻嘻!咁畀面呀、老……老学究”我差啲又开口夹着脷,老而不笑骂道:“老而不嘛!预咗你咁称呼喇……正一屎忽口,畀你系咁一咒,成个世界真系由西南乱起嚟!”,经纪陈也点着酸荞头附和:“系喎!风水依家东北正、西南零,世运正系衰西南嘅非洲,埃及和突尼斯领导人均被推翻……睇嚟利比亚跟往,西南之乱象好容易蔓延至世界各地噃!”,“世界东方地域响亚洲,由于五黄飞东、二黑飞南,今年二五交加夹东南……年内高危度环绕于呢戍地域,由大运西南将煞气吹散而蔓延到正东、中宫、正南……等等地区”,老学究接话:“今年下半年睇个势头肯定进一步不稳定,暴乱及天灾仲系集中在此……整个亚洲;特别东南亚,相信烽火连三月,无处是乐土……”,我听老学究发泄过后、越发显得无奈:“到咗明年五黄飞东南,加上武曲化忌,东南亚肯定大乱……”我话音刚落老学究即刻笑住望咗我一眼而搭腔:“仲有,除咗执政人物被推翻下台,更有皇候贵胄、殿堂人物……等等不再食人间烟火而骑鹤西去……嘻嘻!呢番屁话咪你条屎忽鬼在流年运程中发嘅囉!人家旺西南大师不嬲唱好西南,系咁畀你一咒……直情累死好多人!”老学究难得戚咁响戍指桑骂愧。“喂!你哋哋口口声声提及嘅旺西南,佢系乜谁呀?”经纪陈莫明其妙地发问,老学究笑着反问:“有边位大师由2004年唱好西南一直唱到今时今日吖?自从佐敦、大角咀……等等西南地区一带楼群落成之后,呢位大师开口埋口都话旺正西、旺西南……等一众盲毛信以为真。”,点知经纪陈不听犹是可、一听即刻扯哂火:“系咪仲话西九文娱将带旺块地……乜系佢呀!靠!收咗人家地产商钱、唔知佢真无料抑或偣住个良心去唱好……我老爸和一班世叔伯早几年就是听佢老点在大角咀、佐敦……一带买咗楼,住咗冇耐、大大话话死咗六七个,不死嘅也家破财净……总之冇个掂系啦……”,“唔使讲落去,佢讲嗰个西九文娱中心有梁展文做版睇架!”未等经纪陈妈完我已截住说话:“使乜讲多啫!今趟由西南地方烧起嘅人民革命已经系衰西南嘅最好明证……先挫失运西、再衰零西南!西南入咗廿年之衰运,由呢个方位散发出嘅衰气、相信世人仲要捱多拾零年添。至于今年正月未过已经四处灾祸,原因在于旧年岁运都祸西南而病东北,西方既衰到贴地、西南梗纳余气。今年流年一转转成祸正东而病正南……文昌化忌系诱因,而化忌主要验证于维基解密……”,我嘅说话老学究自然心领神会,但对于经纪来说却是深感兴趣。于是乎我继续说下去:“嘻嘻!呢个世界上有精仔有懵仔 有叻仔散仔 赌仔 重有戆居仔……仲有好多人相信民主、共产…… 种种欺世谎言。大话车起嚟非常好听兼有价值观,实际上冚扮烂揾老衬兼夹揾笨突,事关权力呢种嘢边个揸倒边个话事,几时轮到你班平民百姓指手划脚!执政者永远可以胡作非为,事后摆入机密档案加密封存…… 嗱!千祈唔好误会只有共产党先至会咁叉样做。查实,鬼子佬做得更彻底、更恐怖、更密实!佢哋可以藉口军事机密、(祖国系叫国家机密)而瞒天过海咁删去曾经做过啲衰嘢和坏事。记得当年美军响越南战场宣传系正义之师,查实系屠夫所为…… 最终被踢爆,因而导致美军在越南撤出…… ”,“讲咁多无谓嘢做乜啫!一句话总括咪得囉!执政者用尽阳谋去对付人民,人民也被阴谋利用而回敬番当权者…… ”经老学究简简单单两句说话就道出咗主题:“维基揭密爆咗咁多嘢,佢个老细阿桑奇漾出咗一箩箩骇人丑闻、而掀起一单跟住一单嘅极权国家暴动导至政府被推翻…… ”,听到呢戍、经纪陈不禁竖起拇指赞道:“哗!条友是英雄,顶呱呱啊!”,“他顶呱呱,你就也也乌囉,嘻嘻!”老学究对经纪陈扮了个鬼脸继续说话:“维基揭密无疑系网络时代的一件革命性大事,正在对世界运作方式造成有系统咁改变。自从旧年至今呢几个月,维基揭密网站不断爆料引发硬新闻同埋软新闻震惊全球,也正在颠覆紧当今世界好多保守国家嘅政权,并持续将机密资料库所提供嘅资讯档案爆料供诸于世,当中包括阿富汗战争、伊拉克战争嘅诸多真相都被揭开,最攞命系一众大小亲嘅中东、非洲国家,佢哋嘅外交内政机密,加埋八卦秘闻……全无私隐、仲惨过八卦周刋…..咁遭到赤裸揭露……”,“冇鬼点会死人噃!”我带着蒙娜丽莎式嘅微笑打叉:“阿桑奇,佢真系咁伟大咩?咁有政治价值嘅料系咁乱爆哂唔哂料呀!”,经纪陈用奇怪而欲知究竟嘅眼神望住我:“内里有文章咩?你唔系想话有政治阴毛吧?”,“啊!捞松陈你坏…… ”老学究又利用发音抽秤经纪陈:“你发臭美梦咧!阴谋呀,想创你喇阴毛…… 哈哈哈!过去几年中美领导人枕住出访非洲、欧洲,去亲至少都带几百人以上,你估唔使钱架?系喇,净倾贸易喎,有人信至得架!”,当热爱祖国嘅经纪陈听到呢戍胀红了面、与老学究争辩起来:“不会用阴…… 谋的,只有人才会!”,老学究则好似斗牛勇士面对蛮牛咁个款回话:“陈腥,唔使咁大声嘅,我都时常要上大陆,而我个胆亦比你细,边敢诬蔑祖国吖!我只不过想话某些台下交易系达成响高峰会之后而矣!”,我睇在眼里笑在心里,摆明道士同和尚斗法而出尽法宝,竟然会有经纪陈呢种食古不化嘅人版企响中间阻头阻势,无奈只有将话题叉开、于是朝经纪陈说道:“咪拗喇!你知唔知阿桑奇在瑞典被塔呀?”,佢闻后立刻回道:“抵佢死!强奸靓妹…… ”,说话入到老学究耳朵里不噗哧地笑出了声:“陈腥,阿桑奇佢点强奸呀?嘻嘻!”,经纪陈一下子答不出而口窒窒。“系做世界不带(队)!”老学究答道,“甚麽做世界不带队…… 不明!”听到经纪陈一头雾水,“经纪陈系老实人,你个老而不咪玩佢啦!”我冲着老学究接过说话,继而语经纪陈:“佢在瑞典遭情报单位整蛊中咗美人计而被控性侵犯因而被通缉,听闻佢做世界时赤裸上阵而冇带安全袋(当凼)…… 根据瑞典法律,仆嘢唔带(当凼)等同犯咗强奸罪…… ”话音一落引来哄堂大笑,连隔台啲食客都笑埋。


停咗一阵,我继续说话:“北非洲嗰几个国家:埃及、利比亚、突尼斯、阿尔及利亚…… 加埋中东沙地阿拉伯、也门…… 等等系世界正宗西南地域国家(欧洲诸国属西方),既然八运衰西南,自然由上面开始而一路衰落去。今年五黄二黑煞气连贯正东、正南、中宫…… 辛卯月(农二月)飞星七入中,五黄二黑重叠正东、正南、中宫。呢个月惨囉!天灾人祸、动乱暴乱、死人冧楼…… 统统由呢个月开始,再到清明乱入东南,系咁一路不停地衰,衰到龙年2012,中东、东南亚…… 无处是乐土。”,经纪陈听后冇哂心机,老学究则头拎拎,大家情绪极度低落……


好彩呢个时候有位靓女部长嚟写菜,但见佢丰姿绰约兼婀娜多姿,烟视媚行而风情万种……咦!好少见过咁索嘅尤物,就连经纪陈咁叉正经嘅人都听见佢嘓嘓吞口水声,更唔驶讲老而不矣!“元宵佳节噃,风骚下又何妨!”老学究佢今趟真箇如假包换成个老而不,点解?因为佢忽然发起老姣……一路昅实靓女一路细细声咁唱起紫钗记:“半遮面儿弄绛纱,暗飞桃红泛赤霞,拾钗人会薄命花,钗贬洛阳价,落絮飞花辱了君清雅……”,都唱得几好嘅、有板有眼,我哋响旁边也哼着调子……话之佢第三次世界大战啦!呢个时候乜叉忧乜鬼愁都忘记得一干二净。


中国ICP备案号:陕ICP备15000159号-5

公司地址:西安市严峻企业文化传播中心

电话:13759991335,QQ:908551855,微信:13759991335

版权所有:西安航天基地严峻企业文化传播中心 Power by DedeCms

网站地图:网站地图

技术支持:佑成网络